Galego: O plano representa con gran detalle a estrutura urbana da Coruña en 1812. O plano foi concibido para usos militares, de maneira que se resaltan especialmente as fortificacións, estruturas portuarias e edificios militares, así como as curvas de nivel. O nome destas estruturas militares pode verse no recadro da esquina superior esquerda.

O plano é tamén interesante desde o punto de vista do estudo da toponimia. Con todo, moitos dos termos son deturpacións ao castelán dos termos que, na fala e no uso corrente se usaban en galego.

Con todo, non se trata do plano orixinal, senón dunha copia realizada por Luis Ángel García.